حلوة بالقهوة
مقادير طبقة البراوني
30 غ دقيق
50 غ زبدة
80 شكلاطة سوداء
30 غ سكر
بيضة
ملعقة كاكاو مر
50غ مكسرات محمصة
مقادير
الطبقة المقرمشة
80 غ فويتين
45 غ براليني
45 غ شكلاط بالحليب
ملعقة ص زيت
مقادير موس القهوة
170 غ حليب
ملعقة ك مملوءة جيدا قهوة
صفار بيضتين
100 غ سكر
50 غ شكلازة بالحليب
350 غ كريما سائلة
ورقة ونص جيلاتين
لتحضير البسكوي ندوبو الشكلاط مع الزبدة في حمام مائي ونتأكد انهم باردين قبل منزيد البيض والسكر ونخلط مزيان
نزيد النواشف واخيرا المكسرات المحمصة انا درت لوز وكركاع مهرمشين غلاض ونسرح الخليط في إطار 20 على 20 والى الفرن عشرة دقايق على حرارة متوسطة إلى هادئة
للطبقة المقرمشة نخلط البراليني والشكلاط دايب مع الزيت ونضيف الفيوتين و نخلط ونبسطو مزيان فوق البسكوي البارد بعد ماقلبتو ووضعتو في إطار نفس القياس 20 على 20.
بالنسبة لموس القهوة
ناخد الحليب ونضيف القهوة ونخليه حتى يغلى يبرد شوية ونصفيه في صفاية رقيقة جدا
باش نحضر الكريما الانجليزية نوضع صفار البيض مع نصف كمية السكر ونخلط مزيان في هاد الاثناء يكون الحليب لي نكهناه بالقهوة كيسخن فوق نار هادئة
نصيفو على البيض بالتدريج وانا كنخلط ونرجعو في الكسرولة مع التحريك المستمر حتى توصل درجة الحرارة 82 أو حتى ناخد ملعقة ندوزوها في الخليط وندوز الإصبع ديالي في وسط منها الا متلاقاوش الخطين يعني صافي جاهزة المهم مطيبوهاش حتى تغلى ولا غادي تخسر.
نحيدها من على النار ومباشرة نزيد الجيلاتين لي مفزك في ماء مثلج ومعصور جيدا نخلط حتى يدوب ونزيد الشكلاط بالحليب
نصفيه ونخليه يبرد ثم نمونطي الكريماا ولكن منطلعهاش حتى ترجع تقيلة بزاف
نخلط الكريما المخفوقة مع خليط القهوة بالسباتولا من أسفل إلى أعلى حتى ينسجمو ونفرغ الموس فوق البسكوي لي حضرنا سابقا
نقادو مزيان سطح الحلوة والى المجمد ليلة كاملة
من بعد ممكن نزينوها بالكلاصاج غادي نخلي لكم الطريقة في الستوري و نحيد الإطار ونزين كيما بغيت
خليوها طلق شوية وقدموها بالصحة والعافية كتجي روعة ❤️
ليست هناك تعليقات:
إرسال تعليق