هانا يا المبتدئات بسطيلة دجاج واش عندها شي عشاق ؟ 😍😍
المقادير
و المراحل المصورة 🥰 مقادير بسطيلة الدجاج
2 دجاجات متوسطين + 6 م ك معدنوس + 8 بصل + زعفران شعرة + خرقوم بلدي + فلفل أسود + القليل من المسكة الحرة + زنجبيل + ملح + كأس عنبة زيت الزيتون
في الطنجرة كنديرو قطع الدجاج او نديرو عليهم الملح ، الإبزار ، الخرقوم ، الزنجبيل ، المسكة الحرة ، الزيت او نخلطو مزيان باش يتشرب الدجاج ديك العطرية و نضيفو البصل مشلض رقيق + المعدنوس او نخلطو الدجاج مع البصل ثم نضيفو 2 عواد قرفة او نشعلو النار حتى يطيب الدجاج او نحيدو . ثم نضيفو لديك البصلة ديال الدجاج ملعقة كبيرة قرفة ز ملعقة كبيرة زبدة و سكر على حسب الدوق او نخليوها حتى تنشق تماما و تبقا غير البصلة و نطربو مزيان فشي إناء 8 بيضات و نبداو نضيفوه شوية بشوية مع التحريك المستمر و النار ماتكونش مهيلة و نستمرو فالتحريك حتى تبقا غير الزيت فالعقدة ديالنا او نطفيو عليه او نديروه فشي فصفاية ديال اينوكس حيت غانحتاجو داك المرق ديالو .
اللوز كانحتاجو 600غ مقشر و مقلي و مطحون و نزيدو عليه والكمية لي بغيتو ديال سكر كلاصي + القرفة و نخلطو مزيان حتى يندمجو ونزيدو عليه داك المرق لي صفينا ولكن عينينا ميزانا ايلا كان المرق كتير ما كانديروهش كامل صافي و كنمونطيو البسطيلة ديالنا 💗💗 ممممممم يا سلام 😍😍😍
.
ليست هناك تعليقات:
إرسال تعليق