#تاقنتة_الوجدية 🤎
هاد الطبق لي كيتقطر كلو بالحلاوة، الطبق معروف بزاف في الجهة الشرقية، وجدة، بركان، بني مطهر ... طبق كيشبه لسلو لكن ماشي مقوم بحال سلو وماشي فمذاق سلو أساسه الدقيق لي كيتحمر اما فالفران او فالزيت ويضاف إليه السكر والجنجلان والمكسرات مهرمشين فقط بدون زرارع وكيتقدم في المناسبات مثل العقيقة ، كيتقدم مع بركوكش وسلو و الزميطة و الكعك فثالث ايام ديال المولود وكيتكال بالتمر ، كيتقدم ايضا في المولد النبوي كذلك اما اذا تشهناه راه كنوجدو منو كمية قليلة نحيدو منو شهوتنا 🥰
✨- مقادير مضبوطة:
نصف لتر زيت مع رابعة زبدة نديرهم يغلاو في كوكوط تقيلة جيدا فوق النار ونضيف له الدقيق مع التحريك باستمرار نضيف تقريبا 700 غرام من الدقيق مع التحريك المستمر حتى يصبح لونه متل الكراميل ويكون قوامه متماسك
نتركه حتى يبرد ونضيف عليه سكر ݣلاصي حسب الذوق تعملو كأس ونصف ممكن اقل وممكن اكثر حسب الحلاوة لي بغيتو وجنجلان محمر نعملو نص مهرمش وشوية مطحون والكاوكاو محمر ومهرمش ممكن إضافة قليل من الوز الا توفر معاكم كتجي رائعة
كتكال بالملعقة او بالتمر
لي باقي ماجربها ينوض يجربها غادي يرجع مدمن عليها ❤️
ليست هناك تعليقات:
إرسال تعليق