#فقاص_باللوز_والكركاع ناجح من أول مرة
الطريقة بالتفصيل الممل 😍😍
✨- المقادير :📝
3 بيضات
كأس سكر سنيدة
قبصة ملح
ساشي من زهرة البرتقال
نصف كأس زيت
نصف كأس حليب
ربع كأس زايد شوية زبدة مذابة
ربع كأس ماء الزهر
معلقة صغيرة قرفة
معلقة صغيرة سكينجبير
خمارة ونصف
الدقيق حسب الخليط
الحشوة : 400 غ لوز 400 غ كركاع
✨- الطريقة :
في قصرية كندير البيض السكر الملح القرفة السكنجبير وزهرة البرتقال كنخلط كلشي وكنظيف الزيت والزبدة وكنعاود نخلط صافي من بعد كنظيف الحليب ماء الزهر و الدقيق والخمارة ونصف العجينة كتكون رخوة نوعا ما يعني ما كتلصقش فاليد كنقسمها لجوج كرات متساوية
كنطلق الكرة الأولى على شكل مربع و كناخد بيضة مخلطة مع نيسكافي كندهن العجينة وكناخد 200 غ اللوز مع 200 غ كركاع وكنبقى نستفهم بشكل عشوائي فوق من العجينة وكناخد خليط البيض والنيسكافي بيديا وكندهنهم باش يبقاو لاصقين منين نبغي نرولي بلا ما نزير كنشكل حربول وكنحطو فلاطة مفرشة بورق الزبدة و نفس الطريقة كندير للكرة المتبقية وكنحطوهم فالاطة صافي كندهن بالبيض وكنزين بالفورشيط وكناخد إبرة كنثقب العجين وكندخل الاطة للفرن بارد شاعل غير تحت درجة حرارة منخفضة حتى كيبان لي تنفخ وتحمر شوية من التحت عاد كنشعل من الفوق غير شوية يقبط راسو صافي كنخرجو وكنغطيه ليلة كاملة حتى الصباح
وفالصباح كنغلف كل حربول بالسولفان وكندخلو للمجمد واحد نصف ساعة كنجبدو كناخد موس قاطع /cutter وكنقطع فيه هاذ الطريقة كاع ما كيتهرس من بعد كندخل الفقاص للفرن عافية متوسطة يتحمر من كلتا الجهات وحتى المكسرات يتحمرو
وبالصحة والعافية ❤️❤️❤️
ليست هناك تعليقات:
إرسال تعليق