درس اليوم يحكي على القاناج🗯🖊✍🏻
ا: كاين نوعين من القناش
قناش التغليف couverture
لي نغلفو بيه الكيك قبل منديروش عجينة السكر
و قناش الحشو monté
يعني لي نحشو بيه الكايك داخل
من ناحية البنة بنين ،ومن ناحية القوام يجي شاد روحو ،عندو حسابات بالغرام لازم متلعبوش فيهم تسمى لازم الميزان
منتا نستعملوه ؟
نستعملوه كي يكون عندنا لاير كايك ولا كايك ديزاين
علاه؟
لانو هو من كثرة متامسك يحافظنا على تماسك طبقات الكيك من السقوط أو الميلان و يبقا شاد روحو ،اذا درتو فوقو اشكال يعني يتحمل بسكو فيه الشوكولا بزاااف
من ناحية الثمن : غالي على لاشونتي اكيد
يتكون من زوج مكونات
الكريمة الطازجة نسبة دهون من 30%حتى 35% ( الأنواع الممتازة هي : اوبلا ؛اولالا؛ بطوش؛ كوزينا؛ فونديليس..)
الشوكولا لازم تكون طبيعية يعنيالممتازة ( الاومباسادور أو الوجدان .. هاذا لي نعرف المهم نوعية الشوكولا تكون ممتازة ) مبعد اذا عرفت وحدوخرين نزيدكم
مقادير قناش الحشو: 🖊🗯✍🏻
كمية الشوكولا تكون نصف كمية الكريمة السائلة
او العكس
نقولو كمية الكريمة السائلة هي ضعف كمية الشوكولا
(المهم تفهموا برك♥)
من غير الشوكولا البيضا لي حسابها وحدو
1/ قناش الحشو شوكولا نواغ :
200غ شوكولا نواغ + 400غ كرام فراش ( 400ملل)
2/قناش الحشو شوكولا بالحليب :
200غ شوكولا بالحليب +400غ كرام فراش( 400ملل)
3/قناش الحشو شوكولا بيضاء:
200غ شوكولا بيضاء +300غ كرام فراش (300ملل)
نقدرو أيضا نخلطو بيه الشوكولا النواغ و الحليب و لكن نعادلو بيناتهم باه مجيناش مرة
نديرو 100غ شوكولا سوداء و 150غ شوكولا بالحليب
تولي كامل 250غ شوكولا + 500غ كرام فراش
طريقة التحضير : نقطعة الشوكولا تعنا قطع صغاار باش تذوب بلخف
نسخنو نصف كمية الكرام الفراش يعني الكرام فراش نقسموها على زوج نص نسخنوه مليييييح حتى يولي يغلي و نص لآخر نخلوه بااارد ، نفرغ الكريمة لي سخناها مليح على الشوكولا و نخلوها حتى تذوب تماما و مبعد نزيدوها الكرام فراش الباردة و نخلطو اذا لقينا فيها بعض الحبيبات لي مذابوش نميكسوها بالميكسور باش تذوب كامل
نغلفو الخليط تعنا بغلاف شفاف و يكون ملامس لسطح نتاعو تماما باش ميكونش فيه هوا بيناتهم
و نخلوه يبرد من 6 سوايع فما فوق
ممبعد كي نحبو نخدمو بيه نضربوه غير بالشوي بالباتور ولا البيتران حتى يتضاعف الحجم تاعو و نحبسو التضراب
ليست هناك تعليقات:
إرسال تعليق