كيكة رخامية رطبة بمكونات بسيطة وبمذاق خيالي جربوها 🥰👌💯❤️❤️
المقادير:
4 بيضات
كاس سنيدة
كاس حليب
نص كاس زيت
جوج كيسان دقيق
جوج معالق كاكاو
معلقة كبيرة فاني
معلقة كبيرة خميرة الحلوى
نص معلقة صغيرة خل بيض
حكاك نص حامضة
ملاحظة: البيض والحليب خاصهم يكونو بدرجة حرارة الغرفة.
الطريقة:
كنطربو البيض، الفاني، السنيدة، الخل، وحكاك الحامض حتى يضاعف الحجم. من بعد كنضيفو الحليب والزيت ونطربو دقيقة. كنغربلو الدقيق مع خميرة الحلوى ونخلطو المكونات مع بعضهم. كنخو شوية من الخليط ونزيدو عليه الكاكاو وجوج معالق حليب ونخلطو مزيان.
كنفرغو الخليط فمول مدهون بالزبدة بحال لي فالفيديو، وندخلوه للفران مسخن من قبل على 180 درجة لمدة 40 دقيقة تقريبا.
ليست هناك تعليقات:
إرسال تعليق