#الخميرة_البلدية
كلنا عارفين اهميتها للقولون العصبي و جرثومة المعدة و الجهاز الهضمي بشكل عام
لذلك غادي نعطيكم بشكل مفصل الطريقة الصحيحة و المضبوطة و كذلك طريقة الاحتفاظ بها
✨- المقادير و الطريقة :
- دقيق القمح الكامل او دقيق الشعير او هما بزوج
- ماء معدني أو ماء مقطر (مايكونش ديال الروبيني )
- غادي تخلطو هادشي مع الوقت لي يناسبكم مثلا 10 الصباح غادي تحطوه فقرعة نقية و ماتسدوش القرعة بالغلاقة خليوها منفسة غير شي زيف حياتي صافي
الغد ليه في نفس الوقت 10 الصباح غادي تنقصو نصف ديال هاديك الكمية و تزيدو عليها شوية دقيق القمح وشوية ماء
غادي تبقاو على هاد الطريقة لمدة 7 أيام
ملاحظة من اليوم الأول لليوم الخامس هاديك الكمية لي كتحيدوا غير صالحة للأكل كتخلي الخبز حامض والي كيبغي داك الحموضة استعملها ما شي مشكل و اليومين الأخرين تقدروا تستعملوا هاديك الكمية لي كتحيدوا كتكون صالحة
فحالة الى كنتوا مغاديش تعجنو كل نهار مثلا مرة فالأسبوع كتحطو الخميرة ديالكم فالثلاجة و نهار تنويو تعجتنوا كتجبدوها فالصباح و توكلوها بشوية الدقيق و الماء و تخليوها على برا باش تعجنو بيها بالليل
✨- طريقة الاستعمال
الخميرة البلدية كيخصها وقت كبير باش تخمر لذلك
بالليل كتعجنو الخيز ديالكم مع شوية الملح و الخميرة البلدية ديالكم مكنحتاجوش شي عجين نييييييت و كتخليوها الليل كااااامل فشي بلاصة بدرجة حرارة الغرفة فالصباح منين تفيقي غادي تشكليها خبيزات و لكن برفق و حنية مابغيناهاش تعاود تعجن و تگرصيها و تخليها واحد ساعتين ترتاح و تشعلي الفران ديالك يكون سخووووون و طيبيها
(ممكن تنسمو الخبز بالزيتون او زرارع اي حاجة بغيتو )
بالصحة و العافية 🥰
ليست هناك تعليقات:
إرسال تعليق