الحريرة المغربية🇲🇦 هي واحد الحساء التقليدي اللي مشهور بزاف فالمغرب، خصوصاً فرمضان حيث كتكون الحاضرة فالفطور. مكوناتها الأساسية صحية وغنية بالنكهات، وكتقدم مع التمر أو الشباكية.
المكونات
الحمص: منقوع ومقشر.
العدس: مغسول.
اللحم: اختياري (غالباً لحم الغنم).
الطماطم: مطحونة أو مقطعة.
البصل: مقطع صغير.
القزبر والمعدنوس: مفرومين.
التوابل: ملح، إبزار، سكينجبير، كركم، قرفة تقدري ضفيها
الشعرية الرفيعة.
دقيق أبيض: ممزوج بالماء (الخليط خاصو يكون سائل).
زيت الزيتون أو زيت نباتي.
معجون الطماطم.
طريقة التحضير
1. تحمير المكونات:
فطنجرة، قلي البصل مع اللحم والتوابل فالزيت حتى يتشحر.
2. إضافة الطماطم:
زيدي الطماطم الطرية، معجون الطماطم، القزبر والمعدنوس، وخلي الكل يتقلى شوية.
3. إضافة البقوليات:
زيدي الحمص والعدس وسكبي الماء الكافي باش يطيبوا مزيان.
4. إضافة الشعرية والدقيق:
منين يطيبو البقوليات، زيدي الشعرية مع تحريك الخليط ديال الدقيق فاش تنزليه باش يجمع الحساء ويعطيه القوام المطلوب.
5. الطبخ الأخير:
خليه يطيب على نار مهيلة، وحركيه من وقت لآخر حتى يغلى ويتجانس.
التقديم
قدميها سخونة فزلايف، مع شوية قزبر فوقها، وجنبيها تمر وشباكية باش تكمل المتعة.
ليست هناك تعليقات:
إرسال تعليق