كيكة دبي😍❤️
طعمتها تهبل تستاهل الضجه يلي خذتها❤️😍
كيكة ترند دبي
الطريقه
طيبي اي كيكة كاكاو معتمده عندك طريقتي
الكيك
ثلاث بيضات بدرجة حرارة الغرفه ضربتهن مع كوب سكر وفانيليا لين قعد رغوه وبعدها ضيفي ربع كوب زيت وخلطي وبعدها تكوني موتيه قبل ماتبدي كوب الا ربع ميه دافيه وذوبي فيه ثلاث ملاعق كاكاو خام وملعقة نسكافي وضيفي وخلطي بعدها ضيفي كوب وربع دقيق وبيكنغ بودر ظرف ورشة ملح منخولات وضيفي بتدريج عالخليط ونقصي سرعة مضرب لين يتخلط دقيق وقفي وفي طاجين مدهون وعالكوشه لين تطيب وخليها تبرد
بعدها فترشت كنافه وحطيتها في طاجين وحطيت عليها زبدة حيوانيه بيش تكون نكهه مميزه وسمحه بزياده وحمصتها حركت لين تحمر لونها طفيت نار وحولتها من طاجين لانها حتزيد تحمر لو خليتها فيه
وحطيت عليها علبة كامله من كريمة فستق يلي في صوره خفيفه طعمتها وسعرها حنين🤭
حطيت كيك في كادر وسقيتها بحليب ونسكافي الظرف يلي باين في صوره ذوبته في حليب دافي بس وتقدري تسقي باي شي تحبيه بعدها حطيت كنافه يلي معاها كريمة فستق وساويتها كويس وحطيتها في ثلاجه ساعتين
درت قناش شوكلاتة شوكلاتة تركيه قصيتها صغير وحطيت معاها شوكلاتة ميلكا ايضافه بس تزيد تنكه وتحلي الطعم بكل وحطيت معاهن شوية حليب وذوبتهن في مايكرويف وخلطت لين قعد قوام كريمي حطيته عالكنافه وذوبت كريمة فستق وحطيتها في كيس حلواني وقصيت فتحة صغيره وخططت بيها فوق شوكلاته وبعدها بعود سيخ مشيت عليها زي مالفي
ورديتها في ثلاجه ساعه وكولو بالهنا😍
ليست هناك تعليقات:
إرسال تعليق