#الحلوة_الفيلالية أو الرغيفة 🇲🇦
وصفة من قاع الخابية و جوهرة قديمة من التراث المغربي، تنتمي إلى عبق تقاليد أهل فاس ومكناس..
✨- المقادير :
الورقة على حسب قياسك اللي باغيا هادو مقادير كيلو ورقة
ـ 250غ كركاع تحيد له القشرة و يتهرمش
- 250غ اللوز مهرمش
- 125غ زبدة
ـ 250غ زنجلان محمر
- القليل من النافع مطحون
- القليل من القرفة
- القليل من المسكة الحرة
- العسل قياس الحلاوة حسب الذوق و هي بصفة عامة كتبغي الحلاوة
✨- الطريقة :
ناخد الورقة نحمرها في الفران و نطحنها او ندقها بحال غتجي مهرمشة شوية ماشي غبرة و نضيف باقي المقادير و نجمع بالعسل و التزيين باللوز و الزبدة وعريش ديال النعن.
(كانت تقدم بعد الوجبات الرئيسية....)
لي بغات تزيد الزهر تاهو كيعطي نكهة لذيذة ..
و بالصحة و العافية 🥰
ليست هناك تعليقات:
إرسال تعليق