حلوة مغربية باردة تشبه شكلا لفيريرو :
العجين : زلافة بسكوي باسطا بحال طاكير مثلا مطحون و زلافة بسكوي عادي بحال هنريس مثلا مطحون و زلافة كاوكاو محمص او محمر و مطحون و نجمعو كلشي بالشكلاط الاسود الذائب او لي كيتباع جاهز للطلي من الاحسن كنوتيلا او غيرها
الحشو حسب الرغبة : كاس حليب بارد مذوب فيه معلقة صغيرة نسكافي و كاس بودرة شانتي و خلطو مزيان بالباتوغ حتى تطلع الكريمة و لي ما بغات دير كريم شانتي في الحشو تدير غير نسلي كراميل مع الكركاع او البندق
التغطية ب : شكلاط اسود ذائب مع كاوكاو محمص مجروش او مهرمش الطريقة : جيبي مول سليكون ديري العجين و ضعي وسط منو شوية من الحشو لي بغيتو و سدو عليه بالعجين كذلك و دخلو المول للمجمد ثم حيدوهم من المول ثم كبي فوقها خليط التغطية لي هو الشكلاط الاسود الذائب المخلط مع الكاوكاو محمص مهرمش و خليه عاودتاني يبرد و ينشف في الثلاجة و قدميه
التغطية هي لي كتعطي داك المنظر الغزال
ليست هناك تعليقات:
إرسال تعليق