حلوة الطبقات بحلة جديدة حلوة الطفولة ديال زمان من حلويات لكتعجبني شكون كتعجبو
مقادير :
3 بيضات
كأس عنبة سكر
كأس عنبة زيت
فاني
قبصة الملح
فلون فاني
ملعقتين كبييرة كاكاو
16 غ خميرة كيماوية
الدقيق حسب الخليط
للتزيين:
شكولاطة سوداء وشكولاطة بيضاء
طريقة تحضير :
في إناء نخدم البيض والسكر وقبصة ملح وفاني وفلون جيدا تم نضيف الزيت تم الدقيق حتى نحصل على عجين مرخوفة
نقسمها على قسمين قسم نضيف ليه الكاكاو والقسم الاخر نضيف ليه ملعقتين دقيق باش يكون عندهم نفس القوام
ناخد الطاوة ندهنها بالزيت وناخد الكورة البيضاء نطلقها بالمدلك شوية ونوضعها على جنب تم نطلق الكورة لي بالكاكاو ونضعها فوق الكورة الاولى ونطلقها بالمدلك مزيان ونطويها ونعاود نطلقها بالمدلك نعمل نفس الطريقة 3مرات وفي الاخير نوضعها في لاطة ونتقبها بالفورشيط مزيان
وندخلها لفران سخون أنا شعلت عليها فوق والتحت حتى طابت وخرجتها
وزينت ليها الوجه ديالها بالشكولاطة البيضاء وعملت فوقها خطوط بالشكولاطة السوداء وعملت لها تموجات بحال الميلفوي وخليتها حتى بردات وقطعتها وبصحة وراحة❤❤
ليست هناك تعليقات:
إرسال تعليق